TOKIO, 15 dhjetor /ATSH-ANSA/ – Për herë të parë pas 70 vitesh histori, Festa e Dëborës Sapporo 1950, e planifikuar për në shkurt, është anuluar për shkak të rreziqeve që lidhen me përhapjen e koronavirusit.
Prefektura në veriun ekstrem të Japonisë, në fakt, tashmë kishte parë pezullimin e fushatës për të promovuar turizmin e brendshëm pas rritjes së rasteve në javët e fundit.
Ekspozita vjetore, e organizuar për herë të parë në vitin 1950, është e famshme për shfaqjen e skulpturave të akullit deri në 15 metra të larta dhe tërheq deri në dy milion turistë nga Japonia dhe jashtë vendit, duke gjeneruar një qarkullim rreth 65 miliardë jen, e barabartë me 510 milion euro.
Qeveria e Tokios ndërkohë ka vendosur të pezullojë fushatën e promovimit të turizmit midis 28 dhjetorit dhe 11 janarit në të gjithë vendin, për të kufizuar udhëtimet gjatë periudhës më të ngarkuar.
Në qytetet e Osaka dhe Sapporo, operacioni tregtar ishte ndërprerë pasi raportoi një rritje shqetësuese të infeksioneve Covid-19.
Në vitin 1972 Sapporo organizoi edhe Lojërat Olimpike Dimërore./ /os/
