TIRANË, 8 dhjetor/ATSH/ Ministrja e Shëndetësisë dhe Mbrojtjes Sociale, Ogerta Manastirliu, shprehu sot ngushëllimet për ndarjen nga jeta të dr. Suela Muçës.
“E hidhëruar për ndarjen e parakohshme nga jeta të dr. Suela Muçës, mjekes së talentuar obsteter-gjinekologe dhe pedagoges së devotshme të Fakultetit të Shkencave Mjekësore Teknike. Një humbje e madhe për familjen dhe miqtë e shumtë të doktoreshës që transmetonte veç mirësi, por edhe për mjekësinë shqiptare. U prehsh në paqe dr. Suela”, – tha Manastirliu.
Dr. Suela Muça ka kryer specializimin me rezultate të shkëlqyera në S.U.O.GJ ”Mbretëresha Geraldinë”. Puna e saj si gjinekologe në sektorin privat dhe shtetëror është karakterizuar nga korrektësia, serioziteti, aftësia dhe komunikimi i shkëlqyer./k.s/j.p/r.e/
