PRISHTINË, 30 nëntor /ATSH/ Mbrëmë Kosova u përfshi nga reshjet e borës.
Nga komuna e Prishtinës thonë se ekipet janë duke pastruar rrugët dhe po hedhin kripë e rërë sipas nevojë rurale dhe urbane në mënyrë që rrugët jenë të kalueshme.
Drejtoresha e Shërbimeve Publike në komunën e Prishtinës, Medina Braha u shpreh se ekipet e komunës janë gjatë gjithë kohës në gatishmëri për intervenimet e nevojshme.
“Bora e parë për këtë vit ra mbrëmë. Ekipet tona kanë pastruar dhe hedhur kripë e rërë sipas nevojës në pjesët rurale dhe urbane ashtu që rrugët të mos jenë të pakalueshme. Ato janë tërë kohën në gatishmëri për intervenimet e nevojshme”, theksoi Braha. /KosovaPress/
