SEUL, 28 tetor /ATSH-AFP/ – Presidenti koreano-jugor, Moon Jae-in premtoi sot se vendi i tij do të bënte gjithçka për të arritur deri në vitin 2050 neutralitetin e karbonit, pa u angazhuar me vendosmëri për këtë objektiv, i cili është thelbësor në luftën kundër ngrohjes klimatike.
Koreja e Jugut, ekonomia e 12-të botërore, është e varfër në fushën e burimeve energjetike dhe mbetet shumë e varur nga importet e karbonit, që përbëjnë 60% të prodhimit elektrik lokal”, sipas Agjencisë Ndërkombëtare të Energjisë.
“Në kuadër të përpjekjeve tona për t’iu përgjigjur në mënyrë aktive ngrohjes klimatike, me do të bëjmë gjithçka për të arritur neutralitetin e karbonit deri në vitin 2050”, deklaroi presidenti i qendrës së majtë në një fjalim në Parlament.
Kina befasoi në shtator duke u zotuar ndaj neutralitetit të karbonit deri në vitin 2060. Dhe kryeministri japonez Yoshihide Suga ka vendosur për objektiv vitin 2050.
Moon theksoi se Seuli do të investonte 2 400 miliardë won (1,8 miliardë euro) në 2021 për të zëvendësuar prodhimin e energjetik me bazë karboni me energji të ripërtëritshme dhe 4 300 miliardë won për të rritur numrin e stacioneve të karikimit për automjetet elektrike./ /ec/
