EQV modeli i fundit elektrik i Mercedez

SHTUTGART, 26 tetor /ATSH-ANSA/ – Është EQV, modeli i fundit në familjen Mercedes EQ , plotësisht elektrik i krijuar nga kompania e Shtutgartit.

Paraqitur në ”Motor Show” në Frankfurt, modeli EQ ka një autonomi mbi 400 kilometra dhe mund të mbajë deri në tetë pasagjerë me një komoditet absolut.

Është vlerësuar si një makinë për familjet dhe për kohën e lirë dhe si një makinë përfaqësuesish kompanish ose si një mjet dedikuar hoteleve.

Gjithashtu i rëndësishëm është kapaciteti i bagazhit, i cili mund të arrijë një vëllim ngarkese deri në 1 410 litra.

EQV ofron të gjithë kënaqësinë e ngasjes për të cilën është e aftë një makinë elektrike me bateri.

Motori elektrik jep një fuqi maksimale prej 150 kw (204 hp) dhe një fuqi të vazhdueshme prej 70 kw (95 kf).

Energjia elektrike sigurohet nga bateria litium-jon, e ftohur me ujë me një kapacitet prej 90 kwh.

Karikimi i baterisë shkon nga 10 në 80% në vetëm 45 minuta me një stacion të karikimit të shpejtë.

Falë shpejtësisë maksimale prej 160 km/h, ky minivan siguron performancë të konsiderueshme edhe jashtë qendrave urbane. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.