LONDËR, 30 shtator /ATSH-AFP/ – Gjiganti anglo-holandez i naftës “Royal Dutch Shell” njoftoi sot se parashikonte mbylljen e 7 000-9 000 vendeve pune në kuadër të një ristrukturimi për reduktimin e kostove përballë rënies së kërkesës dhe çmimeve të naftës.
Rreth 1 500 persona kanë lënë tashmë grupin në mënyrë të vullnetshme, dhe pjesa tjetër me largime, numri ekzakt i të cilëve mbetet për t’u finalizuar dhe që do të ndodhë deri në 2022.
Në total, riorganizimi do t’i mundësojë ”Shell”-it të kursejë rreth 2-2,5 miliardë dollarë në vit.
Grupi po përballet ashtu si konkurrenti i saj BP, që njoftoi gjithashtu mbylljen e 10 000 vendeve pune, jo vetëm me pasojat e pandemisë së koronavirusit që ka ulur aktivitetin dhe nga kërkesa botërore për naftë, por gjithashtu me sfidën e tranzicionit energjitik./ /ec/
