NAIROBI, 8 gusht /ATSH-AFP/ – Presidenti kenian, Uhuru Kenyatta inkurajoi sot turistët të kthehen në Kenia, duke thënë se vendi është i sigurt dhe ekonomia e tij e hapur, edhe pse numri i rasteve me COVID-19 në vend u trefishua në korrik.
“Mund të udhëtoni, mund të lëvizni”, tha ai në një deklaratë, duke iu drejtuar turistëve kenianë, por edhe vizitorëve të huaj.
“Siguria nuk është vetëm detyrë e qeverisë, është një zgjedhje individuale”, shtoi ai, duke kujtuar se të gjithë duhet të ndjekin masat paraprake për të shmangur përhapjen e koronavirusit të ri.
Kenia rifilloi fluturimet ndërkombëtare dhe vendase më 1 gusht, si pjesë e heqjes graduale të masave kundër pandemisë së koronavirusit./ /ervo/
