LONDËR, 26 korrik /ATSH-ANSA/ – Britania e Madhe ka vendosur karantinimin e detyrueshëm për dy javë për shtetasit që kthehen nga Spanja, ku ka pasur një rritje të rasteve të koronavirusit javët e fundit, bëri të ditur e përditshmja “Daily Telegraph” duke cituar burime nga Ministria e Transportit.
“Nga mesnata e ditës së sotme, kushdo që mbërrin në Britaninë e Madhe nga Spanja do të duhet të qëndrojë në izolim për 14 ditë. Ata që janë rikthyer ditët e fundit do të testohen për COVID-19”, shtoi burimi.
Disa ditë më parë qeveria katalanase urdhëroi mbylljen e diskotekave dhe bareve të natës së këtij rajoni në verilindje të Spanjës për t’i bërë ballë rritjes së rasteve me koronavirusin e ri.
