Tiranë/ OSHEE, remont për mirëmbajtjen e nënstacionit në Ndroq

TIRANË, 9 korrik/ATSH/ Operatori i Shpërndarjes së Energjisë Elektrike (OSHEE), njofton se si pasojë e punimeve për mirëmbajtjen e nënstacionit në Ndroq do të stakojë përkohësisht furnizimin me energji elektrike.

Sipas OSHEE-së punimet po kryhen me qëllim përmirësimin e furnizimit me energji për konsumatorët.

“Për shkak të remontit të parashikuar në një nga fiderat e NST Ndroq, në datën 10 korrik gjatë intervalit kohor 09:00-15:00 do të stakohet energjia në disa zona në Tiranë, Pezë e Vogël, Pezë Helmas dhe Ura e Beshirit”, njofton OSHEE./k.s/j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.