TOKIO, 4 qershor /ATSH-AA/ – Japonia po planifikon thjeshtimin e formatit të Lojërave Olimpike të vitit të ardhshëm, për të zvogëluar rrezikun e një shpërthimi të koronavirusit të ri.
Guvernatorja e kryeqytetit dhe qytetit pritës, Tokios, Yuriko Koike tha se do të zhvillohen diskutime për të përcaktuar ndryshimet e mundshme, raportoi Kyodo News.
“Shpresojmë të punojmë së bashku me qeverinë dhe komitetin organizativ të Tokios për të parë se çfarë mund të racionalizohet dhe thjeshtohet. Kjo do të jetë e nevojshme për të fituar mirëkuptimin e publikut”, theksoi ajo.
Sipas burimeve, ndryshimet mund të përfshijnë reduktimin e numrit të spektatorëve dhe ceremonive të hapjes dhe mbylljes së Lojërave Olimpike dhe Paraolimpike.
Masa të tjera mund të përfshijnë shërbime të veçanta mjekësore./ /sara/
