UASHINGTON, 4 maj /ATSH-DPA/ – Zëvendëspresidenti amerikan, Mike Pence ka shprehur keqardhjen e tij për vizitën në një klinikë pa maskë fytyre javën e kaluar, pas kritikave të mëdha.
”Po testohem rregullisht për koronavirusin dhe për këtë arsye nuk mendova se një masë e tillë ishte e nevojshme”, tha Pence për ”Fox News”.
“Por, unë duhet të kisha veshur një maskë në këtë klinikë”, pranoi ai.
Pence nuk mbajti maskë gjatë vizitës së tij të martën e kaluar, edhe pse është e detyrueshme.
Pasi u kritikua, Pence më pas veshi një maskë në një vizitë fabrike në Indiana.
Presidenti amerikan Donald Trump ka deklaruar se kjo masë është vullnetare dhe se ai kishte vendosur të mos vishte maskë./ a.jor.
