TIRANË, 4 maj/ATSH/ Besmira Demçe është infermiere tek Neurologjia, që gjendet pranë pacientëve në pavijonin e parë prej 6 vitesh. Tani ajo është në vijën e parë të frontit të luftës.
Përmes rubrikës “Heronj shqiptarë”, deputeti i Partisë Socialiste, Ervin Bushati solli sot shembullin e Besmirës e cila punon në 3 turne.
Në këtë kohë të vështirë, ajo është larg familjes së saj dhe pranë njerëzve në nevojë. E përkushtuar e plot solidaritet.
Ajo shprehet: ”Kjo kohë ka qenë shumë e vështirë për të gjithë. Frika ime më e madhe ka qenë mos të infektoja dy fëmijët e mi, duke qenë se COVID-19 na shoqëron kudo, por do ia dalim”.
Edhe vajza e Besmirës dëshiron të bëhet infermiere kur të rritet.
/m.m//a.a//r.e/
