SEUL, 3 maj /ATSH-AFP/ – Koreja e Jugut njoftoi sot një lehtësim, duke filluar që nga java e ardhshme, të masave të distancimit social, pas rënies së numrit të rasteve me koronavirusin e ri në vend gjatë ditëve të fundit.
Duke filluar nga dita e mërkurë grumbullimet dhe evenimente ët shumta do të lejohen, me kusht që ato të zbatojnë masat e dezinfektimit”, njoftoi sot kryeministri, Chung Sye-kyun gjatë një takimi të qeverisë.
Shtyrë për shkak të epidemisë, sezoni i ri i disa kompeticioneve sportive profesionale, mes të cilave bejzbolli dhe futbolli, do të fillojnë në ditët e ardhshme. Takimet do të zhvillohen me dyer të mbyllura.
Qeveria do të njoftojë këtë javë datat për rihapjen e shkollave, që mendohet të rifillojnë në mes të muajit maj”, sipas agjencisë së lajmeve Yonhap./ /ec/
