TAIPEI, 27 prill /ATSH-DPA/ – Qytetarët tajvanezë tashmë mund të dhurojnë maska për të ndihmuar qytetarët në vendet e tjera kundër pandemisë COVID-19.
Shefi i Qendrës së Kontrollit të Epidemisë (CECC) dhe ministri i Shëndetësisë, Chen Shih-chung njoftuan se ministria kishte filluar programin e ri, të quajtur “Mbroni Tajvanin, Ndihmoni botën”.
Chen tha se përpjekjet e Ministrisë së Ekonomisë dhe shumë prodhuesve vendas i lejuan Tajvanit prodhim të madh të maskave cilësore dhe mundësinë për të manifestruar frymën e ndihmës së ndërsjellë ndërkombëtare.
Chen tha se qytetarët mund të përdorin një program të ri për të njoftuar Byronë e Sigurimit Kombëtar të Shëndetit nëse dëshirojnë të kontribuojnë në dhurimin e maskave për vendet në nevojë. / /sara/
