HONG KONG, 21 prill /ATSH-DPA/ – Shefja ekzekutive e Hong Kongut, Carrie Lam njoftoi se masat për të frenuar përhapjen e koronavirusit do të zgjaten edhe për 14 ditë të tjera.
Zgjatja e masave, që duhej të mbaronte të enjten, vjen një ditë pasi Hong Kongu regjistroi ditën e parë pa asnjë rast të ri me virus.
Gjatë konferencës për shtyp të qeverisë, Lam deklaroi se dëshiron të sigurohet që puna e bërë për të luftuar virusin nuk do të shkojë dëm.
Bizneset dhe shërbimet janë mbyllur për të zvogëluar kontaktin me publikun.
Hong Kongu ka regjistruar 1 030 raste të konfirmuara dhe vetëm katër viktima. / /sara/
