LOS ANXHELES, 18 prill /ATSH-DPA/ – Ngjarja e parë e madhe e planifikuar në “SoFi Stadium” nuk do të zhvillohet.
Taylor Swift, koncertet e së cilës u planifikuan më 25 dhe 26 korrik, do të kishin shënuar hapjen e stadiumit pesë miliardë dollarë në Los Anxheles.
Këngëtarja shtyu të gjitha koncertet live për pjesën e mbetur të vitit për shkak të pandemisë së koronavirusit.
“Lufta kundër COVID-19 është sfidë shumë e madhe për bashkësinë tonë globale dhe siguria dhe mirëqenia e fansave duhet të jetë gjithmonë përparësia kryesore”, u shpreh Swift.
Ajo u konsiderua si këngëtarja e parë që do të zhvillonte koncertin e hapjes në një stadium NFL.
Në deklaratë thuhet se koncertet e shtyra do të planifikohen për vitin 2021. / /sara/
