STAMBOLL, 16 prill /ATSH-AA/ – Gjatë 24 orëve të fundit në Iran janë shërnuar 92 viktima të reja nga COVID-19, duke e çuar në 4 869 numrin e përgjithshëm të viktimave.
Në një deklaratë të publikuar nga televizioni shtetëror i Iranit, zyrtari për marrëdhëniet me publikun në ministrinë iraniane të Shëndetësisë, Kianoosh Jahanpour deklaroi se në 24 orët e fundit në të gjithë vendin janë shënuar 92 vdekje dhe 1 606 raste të reja me COVID-19.
“Numri i viktimave arriti në 4 869 ndërsa numri i rasteve të infektuara në 77 995”, theksoi Jahanpour, duke shtuar se 3 594 prej personave që po trajtohen në spital, ndodhen në gjendje kritike.
Ai deklaroi se gjithsej janë shëruar 52 229 pacientë. / /sara/
