https://www.facebook.com/edirama.al/videos/831907297329437/?t=2
TIRANË, 3 prill/ATSH/ Kryeministri Edi Rama deklaroi sot se qytetarët po iu përgjigjen pozitivisht masave të ndërmarra për parandalimin e përhapjes së infeksionit COVID-19, duke kufizuar daljet dhe duke u pajisur me leje për rastet e nevojshme.
Përmes pamjeve, Kryeministri paraqiti edhe punën e palodhur të forcave të policisë për të verifikuar lejet e qytetarëve.
“Super qytetarët me lejen në celular, super Policia e Shtetit me kontrollet”, theksoi Kryeministri.
Prej ditës së hënë në të gjithë vendin është e ndaluar dalja e qytetarëve pa aplikuar online për lejen dhe pa marrë miratimin, përveç rasteve kur ata shkojnë në punë,ndërsa pensionistët e kanë të ndaluar të dalin për asnjë lloj shërbimi.
Janë strukturat e bashkisë dhe Forcave të Armatosura që po ju vijnë në ndihmë duke iu siguruar atyre çdo shërbim të nevojshëm. /a.gjonaj/j.p/r.e/
