LONDËR, 3 prill /ATSH-AA/ – Numri i viktimave nga koronavirusi në Britaninë e Madhe arriti në 3 605, ku 684 viktima u regjistruan vetëm në 24 orët e fundit.
Sipas njoftimit të Ministrisë së Shëndetësisë, me 684 vdekje të reja të regjistruara, është shënuar rritja më e madhe ditore deri tani, ndërkohë që numri i rasteve është rritur në 38 168.
Në 24 orët e fundit janë kryer 11 767 teste, ndërsa numri total i testeve është 173 874.
Derisa karantina e pjesshme të japë efekt, në vend pritet një rritje e numrit të viktimave dhe rasteve të reja. / /sara//a.a/
