UASHINGTON, 17 mars /ATSH-ANSA-DPA/ – Shtëpia e Bardhë po shqyrton një plan prej një trilion dollarësh për të mbështetur ekonominë përballë koronavirusit, sipas CNN.
CNN shtoi se vlerësimi fillestar kishte qenë 850 miliardë dollarë.
”Një paketë e propozuar stimuluese do të injektojë një trilion dollarë në ekonomi”, deklaroi sekretari amerikan i Thesarit, Steven Mnuchin.
”Qëllimi është të sigurojmë para’ për njerëzit dhe likuiditet për bizneset”, theksoi ai.
Në Shtetet e Bashkuara të Amerikës ka deri tani mbi 5 000 të infektuar dhe 100 të vdekur./ a.jor.
