TIRANË, 15 mars/ATSH-A. Fortuzi/- Mira Rakacolli, zv.ministre e Shëndetësisë dhe Mbrojtjes Sociale, ka përsëritur thirrjen për vetëkarantinim të atyre që kanë ardhur nga Italia apo vendet e prekura.
Duke iu përgjigjur interesit të medieve, mbi situatën e koronavirusit në vendin tonë, Mira Rakacolli, zv.ministre e Shëndetësisë dhe Mbrojtjes Sociale, ka theksuar se nga stafi mjekësor janë dy raste të reja, teksa ka shtuar rëndësinë e vetëkarantinimit.
“Siç e thamë edhe sot janë dy persona nga stafi mjekësor në Tiranë që janë vetëkarantinuar dhe në gjendje shumë të mira shëndetësore. Shqipëria ka marrë tashmë masa për vetëkaranatimin që me daljen e rastit të parë në datën 9 mars. Kam një kërkesë të veçantë për të gjithë ata persona që vijnë nga zonat e prekura, respektoni periudhën e vetëkarantinimit”,- theskon Rakacolli.
Ajo bëri të ditur se janë katër raste të reja, duke e çuar në 42 numrin total të rasteve të personave të prekur nga koronavirusi i ri. Qeveria për parndalimin e përhapjes së koronavirusit, ka miratuar aktin normativ, i cili ashpërson dënimet për ata që nuk zbatojnë masat e marra nga qeveria, për ata që abuzojnë me çmimet e barnave…etj.
