JEREVAN, 14 mars /ATSH-DPA/- Kryeministri i Armenisë, Nikol Pashinyan dhe bashkëshortja ndodhen në një karantinë paraprake, pas udhëtimit në Brazil javën e kaluar.
Pashinyan deklaroi se ai dhe bashkëshortja, Anna Hakobyan ndjehen mirë dhe nuk po përjetojnë simptomat e koronavirusit, por me shumë kujdes kanë vendosur të qëndrojnë në mbyllje të vetmuar në rezidencën e tyre jashtë Jerevanit, në pritje të rezultateve të testit.
Bashkëshortja e presidentit Hakobyan u takua me atë të presidentit brazilian, Jair Bolsonaro në kryeqytetin Brazilia.
Një nga ndihmësit kryesorë të Bolsonaro u kontaminua nga koronavirusi, por Bolsonaro pohoi se një test tregoi se ai nuk ishte i infektuar.
Armenia ka regjistruar 15 raste të koronavirusit.
Në Brazil, të dhënat nga Ministria e Shëndetësisë tregojnë për 77 të prekur nga COVID-19. /os/ a.jor.
