BRUKSEL, 4 mars /ATSH-ANA/ – Zyrtarë të nivelit të lartë të Bashkimit Europian iu bashkuan kryeministrit grek, Kyriakos Mitsotakis në një vizitë përgjatë lumit Evros, pasi një fluks migrantësh u përpoqën të hynin në Greqi nga Turqia.
Presidentja e Komisionit Europian Ursula von der Leyen, presidenti i Këshillit Europian Charles Michel, presidenti i Parlamentit Europian David Sassoli dhe kryeministri kroat Andrej Plenkovic, vendi i të cilit mban presidencën e radhës të Këshillit të BE-së, iu bashkuan kryeministrit Mitsotakis.
Zyrtarët e BE-së, të cilët vizituan kufijtë e Greqisë, konfirmuan domosdoshmërinë e respektimit të ligjit ndërkombëtar dhe të drejtave të njeriut si dhe shprehën besim në hapat që qeveria greke ka ndërmarrë për menaxhimin e krizës në kufirin greko-turk.
Gjatë deklaratave të bëra në prefekturën Evros, ata konfirmuan gjithashtu mbështetjen dhe solidaritetin me Greqinë. / /sara/ a.jor.
