NJU DELHI, 26 shkurt /ATSH-DPA/ – Kryeministri indian, Narendra Modi bëri thirrje për qetësi, pas përleshjeve të dhunshme lidhur me ligjin për nënshtetësinë, që u morën jetën 20 personave në Nju Delhi.
“I bëj thirrje motrave dhe vëllezërve të Nju Delhit që të ruajnë paqen dhe vëllazërinë në çdo kohë”, shkruajti Modi në Twitter, reagimi i tij i parë publik ndaj dhunës në kryeqytet.
Modi shtoi se kishte bërë një rishikim të gjerë të situatës.
“Policia dhe agjencitë e tjera po punojnë në terren për të siguruar paqen dhe normalitetin”, theksoi ai.
Gjatë protestave për ligjin e e diskutueshëm të nënshtetësisë, që filluan të dielën, pati zjarrëvenie të qëllimshme, përdhosje dhe goditje me gurë mes grupeve rivale.
Ligji përshpejton marrjen e nënshtetësisë për pakicat fetare nga vendet fqinje me shumicë myslimane, por përjashton myslimanët. / /sara/ a.jor.
