TIRANË, 18 shkurt/ATSH/ 1.15 miliardë euro u akorduan për rimëkëmbjen e Shqipërisë pas tërmetit të 26 nëntorit në Konferencën e Donatorëve, që u zhvillua dje në Bruksel.
“Ditë të paharrueshme shqiptare në zemër të Europës”, e cilësoi sot Kryeministri Edi Rama Konferencën e Donatorëve.
“Mirëmëngjes me fotoalbumin e një dite të paharrueshme shqiptare në zemër të Europës”, tha Kryeministri Rama.
Në fjalën e mbajtur dje në përfundim të Konferencës së Donatorëve, Kryeministri Rama vlerësoi se shuma e mbledhur tejkaloi të gjitha pritshmëritë dhe është përtej imagjinatës më të shfrenuar.
Konferenca e Donatorëve “Së bashku për Shqipërinë” u organizua nga Bashkimi Europian duke mbledhur së bashku përfaqësues nga 100 shtete, për mbështetjen e programit të rindërtimit në Shqipëri pas tërmetit që goditi vendin më 26 nëntor 2019.
/m.m/
