BERLIN, 1 shkurt /ATSH-DPA/ – Kancelarja gjermane Angela Merkel ka planifikuar të vizitojë Afrikën e Jugut dhe Angolën nga data 5 deri në 8 shkurt, njoftoi sot qeveria e saj.
“Afrika e Jugut është partnerja më e rëndësishme ekonomike e Gjermanisë në Afrikë”, deklaroi zëdhënësi Steffen Seibert.
Ai shtoi se një qëllim kryesor i vizitës është forcimi i lidhjeve ekonomike dhe mbështetja e Afrikës së Jugut në reformat e saj të vazhdueshme ekonomike.
Në vizitën e saj Merkel do të shoqërohet nga një delegacion biznesi i niveleve të larta. / /sara/
