TIRANË, 1 shkurt/ATSH/Ministri për Mbrojtjen e Sipërmarrjes, Eduart Shalsi zhvilloi një vizitë pune në studion e piktorit pogradecar, Anastas Kostandini.
I shoqëruar nga ekipi i tij, Shalsi tha se në studion e piktorit shijuan jo vetëm pikturat , por edhe historitë interesante të tij.
“Gjithnjë të këndshme vizitat tek piktori pogradecar, Anastas Kostandini. Këtë herë, teksa ndodhesha në Pogradec për një retreat me ekipin tim, shkuam të gjithë për një vizitë tek Taso dhe shijuam jo vetëm pikturat, por edhe historitë interesante të tij”, – shprehet Shalsi.
Piktori Anastas Kostandini, i njohur ndryshe si TASO, është artist shqiptar i njohur ndërkombëtarisht.
