STAMBOLL, 28 janar /ATSH-ANSA/ – Bashkimi Europian duhet të rishikojë politikat e zgjerimit për të siguruar që procesi i aderimit të Turqisë, që filloi në vitin 2005, por që ka mbetur në vend, është zhvilluar në një mënyrë të qëndrueshme, të besueshme, të drejtë dhe fleksibël, deklaroi ministri i Jashtëm turk, Mevlut Cavusoglu në një letër dërguar shefit të Politikës së Jashtme të BE-së Josep Borrell, komisionerit për Zgjerimin, Oliver Varhelyi dhe ministrit të Jashtëm të Kroacisë, i cili mban presidencën e radhës të Unionit, Gordan Grlic-Radman.
Agjencia turke e lajmeve, Anadolu Agency raportoi se Cavusoglu kritikoi pengesat e motivuara politikisht, të paraqitura në procesin e aderimit të Ankarasë dhe theksoi rëndësinë e vlerësimit të interesave të ndërsjella mes Turqisë dhe BE-së./ /sara/ a.jor.
