LONDËR, 20 janar /ATSH-AFP/ – Kryeministri britanik, Boris Johnson theksoi për drejtuesit afrikanë, të mbërritur në Londër për një konferencë mbi investimet, që Britania e Madhe do të jetë më e hapur për migrantët e kontinentit afrikan pas Brexit.
Para një audience të krerëve të shteteve, mes të cilëve dhe presidenti egjiptian, Abdel Fattah al-Sissi dhe drejtuesi kenian, Uhuru Kenyatta, kreu i qeverisë britanike shprehu vullnetin e tij për ta bërë Britaninë e Madhe një investitor të zgjedhur në Afrikë.
Ai nënvizoi se dalja e Britanisë së Madhe nga Bashkimi Europian në fund të muajit do të shënonte fundin e favorizimit të migrantëve europianë.
“Sistemi ynë migrator bëhet më i drejtë dhe më i vlefshëm mes miqve dhe partnerëve tanë nga mbarë bota dhe i trajton njerëzit në të njëjtën mënyrë, pavarësisht nga vijnë”, deklaroi ai.
Organizuar të paktën dy javë nga dalja e Britanisë së Madhe nga Bashkimi Europian, ky samit Britani e Madhe-Afrikë do të rezultojë me njoftime të marrëveshjeve tregtare mes kompanive britanike dhe kontinentit afrikan për 6,5 miliardë sterlina (7,6 miliardë euro).
Boris Johnson, vendi i të cilit do të presë COP26 në Glasgow në fund të vitit, ka njoftuar gjithashtu një modifikim të strategjisë së investimeve britanike për të kontribuar në luftën kundër ngrohjes klimatike./ /ec/ a.jor.
