FRANCË –  Transporti publik i kthehet normalitetit

PARIS, 15 janar /ATSH-DPA/ – Transporti publik francez iu kthye sot normalitetit pas më shumë se 40 ditësh greva kundër planeve të reformës së pensioneve të presidentit Emmanuel Macron.

Për herë të parë që kur sindikatat filluan grevat më 5 dhjetor, 16 linja metrosh në Paris filluan të funksionojnë nga mëngjesi deri në mbrëmje.

Shumica e linjave të metrosë kishin shërbim të kufizuar gjatë grevës, duke bërë që qytetarët të përdornin autobusët dhe skuterët elektrikë.

Operatori hekurudhor SNCF deklaroi se tetë nga 10 trenat me shpejtësi të lartë TGV dhe shërbimet rajonale do të funksionojnë sipas orareve. / /sara/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.