FRANCË – OPEC ul prodhimin e naftës

PARIS, 11 dhjetor /ATSH-AFP/ – Organizata e Vendeve Eksportuese të Naftës (OPEC), që do të vendosë një ulje tjetër të prodhimit, ka prodhuar më pak naftë bruto muajin e kaluar, me një përpjekje të veçantë të Arabisë Saudite, njoftoi ajo sot.

“Prodhimi total i naftës bruto është ulur me 193 000 fuçi naftë në ditë në muajin nëntor në raport me një muaj më parë duke arritur në 29,551 milionë fuçi naftë në ditë”, sipas disa burimeve, cituar nga OPEC në një raport mujor për naftën.

Arabia Saudite ka kontribuar më shumë për këtë ulje me prodhimin e 151 000 fuçive naftë më pak në territorin e saj muajin e kaluar.

Vendet e OPEC dhe aleatët e tyre, përfshirë Rusinë, kanë reduktuar në mënyrë të vullnetshme prodhimin e tyre për të mbështetur çmimin e naftës bruto.

Partnerët arritën të premten një marrëveshje për reduktimin e mëtejshëm të prodhimit të tyre me të paktën 500 000 fuçi naftë në ditë./ /ec/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.