VJENË, 21 nëntor /ATSH-DPA/ Hetuesit austriakë po kërkojnë një grabitës i cili mashtroi një fabrikë në mënyrë që t’i dorëzonte atij një kamion me 20 tonë çokollatë, konfirmoi sot policia.
Fabrika i dha detyrë një kompanie austriake të dërgonte produktet e saj të markës “Milka” në Belgjikë, por kontrata e transportit u kalua më pas tek një firmë mallrash hungareze, që punësoi një kontraktues çek.
Megjithatë, çokollata nuk e arriti kurrë destinacionin që duhej. Kamioni dhe drejtuesi i tij u zhdukën.
Hetuesit zbuluan se targat e automjetit ishin të vjedhura dhe shoferi nuk punonte për kompaninë çeke. / /sara/r.e/
