VILNIUS, 15 nëntor /ATSH-AFP/ – Presidenti lituanez, Gitanas Nauseda i dha sot amnistinë dy rusëve të dënuar për spiunazh në vitin 2017, sipas një deklarate zyrtare, duke i hapur kështu rrugën një shkëmbimi të mundshëm informacionesh sekrete me Moskën.
Sipas disa burimeve jozyrtare, Nikolai Filiptchenko dhe Sergei Moisseienko, mund të shkëmbehen me dy lituanezë, Yevgeny Mataitis e Aristidas Tamosaitis dhe norvegjezin Frode Berg, që të tre të dënuar në Rusi për spiunazh.
Dekreti i firmosur nga presidenti Nauseda tregon se rusët janë falur sipas një ligji të ri që merret me shkëmbimin e spiunëve, megjithatë Zyra e Presidencës nuk pranoi të japë komente./ /ervo/ a.jor.
