TIRANË, 25 tetor/ATSH/- Qendra e fshatit Bolenë, në Vlorë do të transformohet pas rehabilitimit dhe sistemit të ndriçimit nga ana e Këshillit të Qarkut Vlorë duke u kthyer në identitet.
Kështu u theksua sot gjatë takimit të zhvilluar sot në këtë fshat, ku ishin të pranishëm edhe deputeti i qarkut të Vlorës, Vullnet Sinaj, kryetari i bashkisë Himarë, Jorgo Goro dhe Administratori, Gramoz Balili.
Në takimin me banorët e fshatit u diskutua rreth shqetësimeve të banorëve dhe prioritetet e bashkisë për buxhetin 2020.
Për vitin 2020, bashkia ka planifikuar ndërtimin e ujësjellësit dhe sistemin e kanalizimeve të ujërave të zeza të lagjes “Hunda e Xhepe”, si edhe riparimin e kanalit vaditës.
“Për vitin 2021 bashkia ka planifikuar ndërtimin e ujësjellësit dhe sistemin e kanalizimeve të ujërave të zeza të fshatit”, – tha deputeti Sinaj.
Gjatë takimi u ngritën probleme si mbrojtja nga rrëshqitja e tokës, ndërtimi i rrugës së varrezave dhe zgjidhja e problemit të kufijve administrativë të kullotave me bashkinë Selenicë./k.s/ /a.g/
