UASHINGTON, 23 shtator /ATSH-DPA/- Ministrja gjermane e Mbrojtjes, Annegret Kramp-Karrenbauer (AKK) zhvilloi një takim me homologun e saj amerikan Mark Esper në një përpjekje për të stabilizuar marrëdhëniet midis dy vendeve përmes një bashkëpunimi më të madh ushtarak.
Kramp-Karrenbauer dhe Esper u takuan në Pentagon gjatë udhëtimit të parë të ministres së Mbrojtjes në SHBA që prej marrjes së detyrës.
Çështjet kryesore që u diskutuan ishin përfshirja e Gjermanisë në një koalicion ndërkombëtar ndaj luftës kundrejt milicisë së Shtetit Islamik në Irak si dhe rritja e tensioneve midis Iranit dhe Arabisë Saudite.
Në takim u diskutua gjithashtu vendimi i SHBA për të ndërprerë bisedimet e paqes me talebanët në Afganistan, ku Gjermania ka ushtarë të vendosur si pjesë e një misioni trajnimi të NATO-s. /os/ a.jor.
