TIRANË, 13 shtator/ATSH/- Ervis Moçka u rizgjodh sot në detyrën e kryetarit të Këshillit të Qarkut Vlorë.
Në mbledhjen e parë të këtij këshilli ishin të pranishëm deputeti i Partisë Socialiste, Alket Hyseni, deputeti Damian Gjiknuri, Prefekti i qarkut të Vlorës, Flamur Mamaj, kryetari i bashkisë së Vlorës, Dritan Leli, si dhe kryetarët e 6 bashkive të tjera të qarkut të Vlorës.
Deputeti Hyseni u shpreh se “përmbyllëm ngritjen e organeve të vetëqeverisjes vendore, të dala nga vullneti i popullit të Konispolit, Sarandës, Finiqit, Delvinës, Himarës, Selenicës dhe Vlorës, nëpërmjet votës së lirë dhe demokratike”.
“Suksese dhe urime kryetarit Ervis Moçka dhe nënkryetarit Harallamb Pandehi, përfaqësues i minoritetit”, u shpreh Hyseni.
/k.s/ /a.g/
