TIRANË, 24 gusht/ATSH/ Nga një shteg gropat e pluhurash në verë dhe ujërash e lluce në dimër, Bashkia e Maliqit do të ketë së shpejti një rrugë hyrëse me standarde bashkëkohore.
Duke ndarë foto nga ky projekt, kryeministri Edi Rama u shpreh se “tashmë po merr formë një tjetër pjesë e qytetit të rilindur”.
“Së shpejti… përfundon rruga hyrëse e Bashkisë së Maliqit, një shteg gropat e pluhurash në verë dhe ujërash e lluce në dimër, ku tani po merr formë një tjetër pjesë e qytetit të rilindur. Shqipëria që duam”, tha Rama.
Rruga kap një gjatësi prej 2.5 km, prej të cilave 1.1 km është rrugë e re që do të ndërtohet për këmbësorët. Ajo do të ketë 8 metër gjerësi për qarkullimin e automjeteve, trotuare, rrugë për biçikleta, pjesë të gjelbëruar dhe 2200 ndriçues.
Punimet parashikojnë prishjen e të gjitha ndërtimeve të paligjshme dhe do të ketë mure dekorativ guri dhe kangjella duke sjellë në realitet infrastrukturën hyrëse më të bukur në qytetin e Maliqit.
/m.m/j.p/
