VARSHAVË, 22 gusht /ATSH-AA/ – Disa persona kanë humbur jetën nga goditja e rrufesë në Poloni, si dhe disa të tjerë janë lënduar.
Shërbimi pyjor i shpëtimit njoftoi se disa persona e kanë humbur jetën nga goditjet e rrufesë në vargmalet Tatra në jug të Polonisë.
Ekipet e shpëtimit janë nisur në majën e malit Gievont, ku grupi i turistëve, në mesin e të cilëve kishte edhe fëmijë, u kap nga moti i keq i shoqëruar me vetëtima.
Televizioni TVN24 publikoi pamjet ku shihen forcat e shpëtimit të cilët përpiqen me helikopter të mbërrijnë deri në majën e malit. /G.S/
