BRUKSEL, 22 gusht /ATSH-ANSA/ – BE-ja nuk është në favor të një riaktivizimi të mundshëm të formatit G8, njoftojnë burime europiane pranë kësaj dosjeje disa ditë para samitit të G7-ës në Biarric.
“Arsyet që sollën përjashtimin e Moskës vazhdojnë të jenë të vlefshme, për këtë arsye do të ishte kundër produktive”, theksojnë këto burime.
“Për më tepër ky format duhet të vazhdojë të jetë një bashkësi demokracishë që respektojnë shtetin e së drejtës”, sipas të njëjtave burime.
Të martën, presidenti amerikan, Donald Trump kishte deklaruar se do të ishte e përshtatshme që G7-a të kthehej sërish në G8, një pozicion i mbështetur edhe nga homologu i tij francez, Emmanuel Macron. /G.S/
