JOHANESBURG, 30 korrik /ATSH-AA/ – Sipas një raporti të qeverisë së Afrikës së Jugut, vdekjet dhe infektimet nga virusi HIV/SIDA në këtë vend kanë shënuar rënie të vazhdueshme që nga viti 2007.
Në raportin e vlerësimeve të popullsisë në mes të vitit, institucioni i statistikave të Afrikës së Jugut tha se “numri i vdekjeve ka rënë nga mbi 267 mijë në vitin 2007 në gati 127 mijë këtë vit”.
Raporti theksoi se “qasja ndaj ilaçeve antiretrovirale (ART) ka zgjatur jetëgjatësinë e shumë afrikanojugorëve, duke zvogëluar infektimet nga virusi HIV dhe vdekjet e lidhura me SIDA-n”.
Në vitin 2008, administrata e udhëhequr nga presidenti i atëhershëm Jacob Zuma filloi një fushatë masive kundër SIDA-s, duke nxjerrë një program të madh trajtimit të HIV-it, që i mundësoi miliona afrikanëve të sëmurë akses në terapinë ART për të shpëtuar jetën.
Sipas vlerësimeve, Afrika e Jugut ka një nga problemet më të mëdha në botë të virusit HIV/SIDA me rreth 7,97 milionë njerëz të infektuar nga ky virus, rreth 13,5% e 58 milionë banorë që jetojnë në vend. /G.S/
