NJU JORK, 22 korrik /ATSH-ANSA/ – Gjiganti i telekomunikimit “Huawei”, ka ndihmuar në mënyrë të fshehtë Korenë e Veriut që të ngrejë dhe mbajë funksionale linjat e saj të rrjetit Wi Fi të teknologjisë 3G, sipas “Washington Post” që citon dokumente të marra nga një ish-punonjës i kompanisë kineze.
“Huawei” bashkë me kompaninë tjetër kineze, “Panda International Information Technology” ka punuar në tetë vitet e fundit mbi një seri projektesh në Korenë e Veriut.
Sipas këtyre informacioneve ngrihen dyshime se “Huawei” ka shkelur normat amerikane për furnizimin e Koresë së Veriut me aparatura. /G.S/
