TIRANË, 6 qershor/ATSH/ Disa minuta ecje në ditë mund të transformojë shëndetin, trupin dhe mendjen.
Sipas Institutit të Shëndetit Publik, 2 orë ecje në javë mund të zvogëlojë rrezikun e goditjes në tru me 30%. Po kështu me vetëm 40 minuta ecje tri herë në javë ndihmon kujtesën.
Simptomat e depresionit ulen me 30% me vetëm 30 minuta ecje, ndërsa rreziku nga diabeti ulet me 29% nëse bëni 3.500 hapa në ditë.
“75 minuta ecje e shpejtë në javë mund të shtojë pothuajse 2 vite jetë ndërsa 60 minuta ecje në ditë mund të ulë rrezikun nga obeziteti”, thotë ISHP.
Rreziku nga sëmundjet e zemrës zvogëlohet nëse bëni 30-60 ecje në shumicën e ditëve të javës ndërsa 4 orë ecje në javë mund të zvogëlojë rrezikun e frakturave deri në 43%. /a.g/
