VARSHAVË, 28 maj /ATSH-AFP/ – Rreth 220 punonjës të ”Airbus” në Poloni, nga 750 që numëron kompania, u hodhën sot në grevë për të kërkuar rritje të pagave, njoftoi dega e sindikatës ‘’Solidaritet’’.
Kompania e cila ndodhet në afërsi të aeroportit ndërkombëtar Varshavë-Okecie prodhon pjesë të avionëve ushtarakë taktikë CASA C295, si dhe pjesë për avionë të tjerë të ”Airbus” dhe për avionë ushtarak polakë me një motor Orlik.
Bordi drejtues i kompanisë konfirmoi për median se një pjesë e personelit është në grevë, pa dhënë më shumë detaje./ /v.b/
