TIRANË, 23 maj/ATSH- A. Fortuzi/- Forcat e Armatosura Shqiptare kanë nisur stërvitjen “Immediate Response 19”.
Ministrja e Mbrojtjes Olta Xhaçka bën të ditur se në këtë stërvitje marrin pjesë 1 600 ushtarë, pjesë e NATO-s nga 14 vende.
“Forcat e Armatosura të Shqipërisë nisën në Kroaci stërvitjen “Immediate Response 19″ (Përgjigja e menjëhershme- 19) përkrah 1,600 kolegëve të tyre ushtarakë nga Kroacia, Sllovenia, Hungaria, SHBA, Mali i Zi, Kosova, Polonia, Franca, Mbretëria e Bashkuar, Lituania, Maqedonia e Veriut, Bosnje dhe Herzegovina, Italia dhe Gjermania”, njofton ministrja Xhaçka.
Stërvitja ushtarake e NATO-s “Përgjigjja e menjëhershme-19” mbaron në 6 qershor. Kjo stërvitje zhvillohet në Kroaci, Slloveni e Hungari.
