PEKIN, 17 prill /ATSH-AFP/ – Rritja ekonomike kineze po bën rezistencë, madje duke dalë jashtë parashikimeve, ajo u rendit e konsoliduar në 6,4% në tremujorin e parë, pavarësisht kërkesës globale në rënie dhe luftës tregtare me Uashingtonin.
Shifra u njoftua sot nga Zyra Kombëtare e Statistikave (BNS) në përputhje me një sërë treguesish kryesisht pozitiv për ”shëndetin ekonomik” të Kinës.
‘’Ekonomia kombëtare tregoi një ecuri të qëndrueshme, me më shumë faktorë pozitivë, që u shoqërua me rritjen e besimit ndaj një tregu të fortë’’, pohon Mao Shengyong, zëdhënës i BNS.
Në 2018, rritja ekonomike kineze regjistroi një ngadalësim të ndjeshëm në çdo tremujor (6,8%, 6,7%, 6,5%, 6,4%), në një kontekst përpjekjesh për uljen e borxhit nga ana e autoriteteve dhe tensioneve tregtare me administratën Trump.
Në tremujorin e parë të vitit 2019 PBB-ja u ndal, dhe rritja e saj u përcaktua më e lartë se parashikimi mesatar statistikor i 12 analistëve të intervistuar nga media, të cilët parashikonin për një normë deri në 6,3%./ /v.b/ a.jor.
