RABAT, 11 prill /ATSH-AFP/ – Autoritetet marokene sekuestruan 11,94 tonë rezinë kanabisi të fshehur në një kamion transporti në afërsi të kufirit me Mauritaninë, njoftoi Drejtoria e përgjithshme e sigurisë kombëtare (DGSN).
Sekuestrimi u regjistrua në Guerguerat, një zonë e kontestuar në jug të Saharasë Perëndimore, në afërsi të kufirit mes Marokut dhe Mauritanisë.
Droga ishte fshehur në një kënd kuzhine në bordin e rimorkios së një kamioni me targë të Marokut.
Droga iu dorëzua administratës së doganave dhe të dyshuarit do të merren në pyetje nga policia gjyqësore marokene përgjegjëse për hetimin, sipas deklaratës.
Saharaja Perëndimore është një ish-koloni spanjolle kryesisht nën kontrollin e Marokut, i cili e konsideron si pjesë përbërëse të territorit të tij, por Fronti Polisario kërkon pavarësinë./ /v.b/ a.jor.
