DYSELDORF, 30 mars /ATSH-DPA/ – Policia gjermane arrestoi 10 persona të dyshuar si terroristë islamikë pas operacioneve në shtetet perëndimore të vendit, Vestfalia e Rinit Verior dhe Baden-Vyrtemberg.
”Ata po hetohen me dyshimin për përgatitjen e një sërë sulmeve terroriste”, tha një zëdhënës i prokurorisë së Dyseldorfit.
”Ndërkohë që nuk kemi shënjestrat e sakta të këtyre sulmeve, ne po shohim lidhjet e mundshme të tyre me ISIS-in”, shtoi ai.
“Ne dyshojmë se ata ishin një grup i krijuar nga ISIS-i”, theksoi zëdhënësi.
Operacionet policore u zhvilluan në Esen, Dyseldorf, Vupertal, Mynshengladbah, Duisburg dhe Ulm.
Nuk dihen saktësisht kombësitë e të arrestuarve./ a.jor.
