Kosinë, inspektim pikturës murale në kishën e Shën Mërisë

TIRANË, 26 mars /ATSH/- Pas përfundimit të punimeve restauruese në Kishën e Shën Mërisë në Kosinë, specialistët e sektorit të veprave të artit pranë Institutit të Monumenteve të Kulturës janë rikthyer sërish në objekt, për të kryer evidentimin e gjendjes së degraduar në të cilën ndodhet piktura murale në brendësi të kishës.

Puna do të vijojë më tej me hartimin e projektit, i cili konsiston në kryerjen e ndërhyrjeve konservuese – restauruese në pikturën murale.

Gjatë punimeve të kryera në këtë objekt janë evidentuar gjurmë të pikturës murale kryesisht në faqen lindore (apsidë), por edhe në disa faqe të tjera të interierit. Gjithashtu, me pikturë murale dekorohet dhe kupola, por ajo i përket një periudhe më të vonë se sa gjurmët e zbuluara në apsidë. /a.a/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.