TIRANË, 20 mars/ATSH/ “Askush nuk mund të dalë mbi drejtësinë ndërkombëtare”, deklaroi sot deputeti i Partisë Socialiste, Ditmir Bushati, duke komentuar dënimin e Radovan Karaxhiç nga Gjykata e Hagës.
“Karaxhiç, përbindëshi që u përpoq të krijonte “Serbinë e Madhe”, u dënua me burgim të përjetshëm nga drejtësia ndërkombëtare për genocid në Srebrenicë dhe krime të tjera të kryera në Bosnjë e Hercegovinë”, tha Bushati.
Ky vendim, sipas tij, sjell një ndjenjë drejtësie për familjet e viktimave dhe në të njëjtën kohë është një paralajmërim për politikat aventuriste në Ballkan./m.m/j.p/
