NJU JORK, 25 shkurt /ATSH-ANSA/ – Pas 50 vjetësh të uljes historike të ”Apollo 11”, NASA synon të kthehet në Hënë me 12 eksperimente të reja.
Eksperimentet e reja janë pjesë e një programi më të gjerë të NASA-s, këtë herë për të qëndruar atje dhe për ta përdorur Hënën si një trampolinë për një udhëtim më të largët dhe ambicioz, atë drejt planetit Mars.
“Afërsia e Hënës me Tokën e bën atë një pikë të vlefshme fillestare për eksplorimin njerëzor”, tha shefi ekzekutiv i NASA-s, Jim Bridenstine.
Agjencia amerikane e hapësirës ka në plan të ndërtojë një stacion hapësirë rreth Hënës, ”Lunar Gateway”.
“Hëna ka, në fakt, një vlerë shkencore dhe një potencial të madh për prodhimin e burimeve të vlefshme të tilla si ujë dhe oksigjen,” shtoi Bridenstine.
Eksperimentet do të shkojnë nga studimi i rrezatimit në sipërfaqen e Hënës në përbërjen e Tokës, nga analiza e sasisë së hidrogjenit tek studimi i atmosferës hënore dhe fushës magnetike./ /os/ a.jor.
